Sicrhau amser i gysylltu

Math arall o gyfoeth

Helo.

Fy enw i yw Jo a hoffwn eich gwahodd i gerdded, am dro, i grwydro – cam yn y cyfeiriad ‘i ble awn ni nawr?’

O dan y geiriau hyn

– CREU GWIR FEL GWYDR O FFWRNAIS AWEN

– IN THESE STONES HORIZONS SING

Canolfan Mileniwm Cymru, Bae Caerdydd.

Rwy’n cerdded pan rwy’n cwrdd â rhywun newydd

pan rwy’n mynd yn sownd

i glirio fy mhen a dychwelyd i’r gwir

i weld natur

i gael ystyr o le rwy’n byw

i gael teimlad o’r llun mawr

i glywed mwy ac efallai dysgu rhywbeth

i gymryd llwybr hir ac ystyried yr hyn sydd heb ei ddatrys

i drafod mater cymdeithasol

i lenwi gofod a dychmygu ei fod yn eiddo i bawb

i feithrin ffydd

ar gyfer pleser a lles

i ymarfer corff

i fod gyda phobl

i ysgogi cyfeillgarwch newydd

i fyfyrio dros lanast dryslyd, rhwystrol a chynddeiriogol

i weld os allwn ryddhau rhywbeth

i brotestio

i dawelu’r meddwl

i gysylltu pethau

i gael epiffani neu dri

Neu’n syml, er mwyn rhoi un troed o flaen y llall

Fy enw i yw Jo Fong. Rwy’n artist, ac rwyf newydd gael fy mhenodi’n Gydymaith Creadigol yng Nghanolfan Mileniwm Cymru.

Byddaf yn cerdded am 11am bob ddydd Mercher olaf bob mis o Fehefin 2021 ymlaen. Nid oes unrhyw ddisgwyliadau o’r teithiau hyn a does dim ffurflen gwerthuso ar y diwedd. Does dim ots gen i os oes 2 berson, 20 neu 200, mae ‘na lawer i’w ennill heb lawer o ymdrech.

Rhannwch, os gwelwch yn dda.

A HEFYD er mwyn i chi wybod, does dim angen hawlio lle; rhowch hi yn eich dyddiadur a dewch i ymuno. Os oes gennych chi unrhyw anghenion mynediad penodol, peidiwch ag oedi rhag cysylltu.

Ynglŷn â COVID. Fe fyddwn ni tu allan drwy’r adeg ac rydym ni eisiau i bawb deimlo’n gyfforddus a bod yn ddiogel. Plîs cadwch hyn mewn ystyriaeth.

Edrychwch ar ôl eich hunain a’r rheiny o’ch cwmpas.